موال طيب بزياده

الشخص المخلص و الغلبان يستحق ان نصنع له موال طيب بزياده و الذي غناه المطرب الشعبي احمد العتموني و حدثنا عن حزن الانسان الطيب حين يجرح.


موال طيب بزياده

كلمات/ رامي عبد الكريم

غناء/ احمد العتموني

موسيقي و تسجيل/ نوار البحيري


شاهد من قناة اليوتيوب

Youtube.com/q3fGGwOszOY


كلمات الاغنية

—————————

طيب بزياده
زمن ده زمن العجايب
فيه الطيب ملوش نايب
واللى بيعمل فى الناس خير
بيتغلط ويتعايب
يا ابويا ليه قولتلى
خليك دايما رقبتك سدادة
يا ابويا ده الزمن اللى احنا فية
بياكل الطيب بزياده
طول عمرى قلبى مابيشلش
بسامح ومبتكلمش
ولو حد منى بيجى عليا
بعاته بالعين والرمش
انا قلبى ما بيعرفش اسيا
طول ما عمرة بيشرب حنيه
خدعتنى مع الناس والطيبة
اتردو باهانه فى الوش
خلاص يا دنيا انا اتعلمت
فهمت منك واتظبط
ده اللى عنده ضمير فيكى ينداس
وجنب الحيطه يتحط
انا كنت طيب
بزياده مع الناس ع الاسوة معتاده
فنشت يا دنيا خلاص طيبه
من انهارده انا اتغيرت



تكلم الموال في تاريخه عده مرات و اصر علي ذكر المعاني الخاصه بالاخلاص و الصدق بين الناس و كانت هناك بعض الصور التقليديه عن ابن او اخ او حتي صديق يلوم الشخص المخلص و الطيب القلب الحسن النيه تجاه كل الناس. اللوم هنا سببه هو عدم فهم الشخص لطبيعه البني ادم و الناس عامه في هذه الايام الصعبه الشديده الضيق. فنراه الصديق او الناصح بشكل اوقع يتكلم عن ان هذا حسن النوايا يجب ان يفهم العالم و يصبح شريرا مثلهم شخصا انتهازيا و لكن هنا كان العكس في موالنا الموجود حيث ان الاب نصح الابن بأن يكون مخلصا و يلوم الابن ابوه بعد ان صدم في الواقع و يخبره انه سيتغير و ستحول الي جاحد قسي القلب و يقرر انه انهي مرحله الاخلاص من حياته. هل تعتقد انه بالفعل سيصدق في ذلك و هل يستطيع الانسان الذي نشأ علي الصدق و المعاني الجيده و الاخلاق الحميده ان يتحول مثل هذا التحوا . اسمع الموال و اسرح بخيالك و رد علي السؤال فلكل منا اجابته و لكل منا قيم تحكمه.