موال الدنيا مدرسه غناء احمد العتموني

موال الدنيا مدرسه المواويل الشعبي اللي علي حق من المصريين مبدعي الموال و غناء احمد العتموني لك ان تشاهد الفيديو و هو انتاج ارت تمبلت

الدنيا مدرسة
واللى عايشها لازم يكون دارسها
وعلشان تدرسها
لازم تكون فارسها
والفرسنه مش بلطجه ولا فتونه
الفرسنه جدعنه وانك تسايسها
نصيحه منى يا ابن ادم
لو صاحبت خليك جدع
وان ربنا ادالك اياك بالمال تتخدع
واوعاك تفترى ع الناس وبرجلك تروح دايسها
ياللى انت قلت ان الصحاب اقرب من الاخوات
انا بقول مش كلهم لكن فى بعض حالات
يا ما فى صحاب فكرتهم يشلونى فى الازمات
خلونى اقول فى وشهم يا ريت صاحبت بنات
كان ليا صاحب منهم شايله ف نن العين
كان كتفى دايما جنب كتفه كنت ايديه الاتنين
كان لما يزعل اتحمله واقوله ده برضه حزين
الناس كانوا بيستغربوا ويقوله كل ده ليه؟
اقولهم متسالوش اصله عشرة سنين
فضلت ياما اتحمله لحد ما يوم ماقال
قال ياالله نفسى
سمعتها
والقلب منه شال
سالت نفسى يا ترى ايه غير الاحوال
قلت اكيد هيمشى برضه
فى سكه الاندال
دخل الغرور جوة نفسه وبدا العوجان
حسيت بعقد فى قلبه منى بالسواد مليان
لما لقيته بيقل منى قلت لا ده جنان
قررت ابعد يا دنيا عنه واطلع كسبان
يا خسارة يا صاحبى كنت فاكرك جدع
لكن طلعت جبان

شاهد الفيديو علي موقع يوتيوب

http://www.youtube.com/watch?v=20kselR1SGs

موال الدنيا مدرسه

موال الدنيا مدرسه

111 مشاهدة