اغنية اه يا دنيا

من انتاج ارت تمبلت للانتاج الفني اغنية اه يا دنيا غناء بوسي و هي اغنيه القرن كما اطلق عليها البعض ذلك و حققت نجاحا غير عادي و ليس في الوطن العربي و مصر فقط بل في كل انحاء العالم لدي الجاليات العربيه في الدول الاوربيه و امريكا.



...


كلمات/ ملاك عادل

لحن/ محمد عبد المنعم

غناء/ بوسي

توزيع موسيقي/ رفيق عاكف

التسجيل و الميكساج/ ستديوهات ام وان

هندسه صوتيه/ هاني محروس


...


شاهد الاغنيه من اليوتيوب

Youtube.com/3F4aOW9jIe8


...


كلمات اغنية اه يا دنيا

الدنيا دي بتحترم بس اللي عنده فلوس
اما اللي يحتاج لها
بتذل فيه وتدوس
اصل الحياه مدرسه
يا ماخدنا فيها دروس
والدنيا حالها كدا
ماشيه لنا بالمعكوس
لفي بينا يادنيا
دوخينا يادنيا
خدينا يمين شويه
هاتينا شمال شويه
و ادينا ساكتين يادنيا
ضحكتي لنا ماشي
ضحكت علينا ماشي
ادينا ساكتين يادنيا
متوهانا ومغلبانه
وموريانا المر فيكي
تعبنا يابا علشان غلابه
ماترحمينا حرام عليكي
لفي بينا يادنيا دوخينا يادنيا
أه يادنيا
نازله طحن يادنيا فينا
وليل نهار بتلطشي
نفسي تدي بدل ماتخدي
ومن ادينا تنتشي
مظلومين كدا عيني عينك
وانتي كاشفه علينا وشك
دانتي زودتيها خالص
عيب عليكي بقا اختشي
كل يوم بتلاعبي فينا
وتجرحينا وبافترا
دانتي حتي ممشيانا
بالقلم والمسطره
كل مابتظبط معانا ونمشي ادام خطوتين
تفتري وترجعينا الف خطوه بقه لورا
أه يادنيا الله
متوهانه ومغلبانه
وموريانا المر فيكي
تعبنا يابا علشان غلابه
ماترحمينا حرام عليكي
لفي بينا يادنيا دوخينا يادنيا
خدينا شمال شويه هاتينا يمين شويه
ادينا عايشين يادنيا


...


بدأت هذه الاغنيه بطريق الصدفه البحته و تطور الامر لان تصبح واحده من اهم اغنيات الشعبي في تاريخ الاغنيه المصريه و الشعبيه. و نتيجه لهذا الانتشار بين العرب و الجاليات العربيه ان اهتم العالم اجمع و ابناء الدول الاجنيبه بهذه الاغنيه و ظلوا يبحثوا عنها. و لو كان انتشار التليفونات المحموله الذكيه كما هو الان في كل يد لتخطت هذه الاغنيه مليارات المشاهدات كما شهد الكل بذلك من عاملين في المجال الفني و الموسيقي